Taliska Ciidanka ilaalada Madaxtooyada Jubbaland ayaa soo saaray Dufcadii Afaraad oo si gaar ah loogu tababaray ilaalinta Madaxtooyada iyo ka Hortaga Cadwoga.
Maamul Gobaleedka Jubbaland ayaa dadaal ugu jira sare u qaadida Tayadda iyo Aqoonta ciidammada kala duwan, waxaana Cutubkan tababarka loo soo xiray loo tababaray hubka culus, ka hortaga cadowga, ilaalinta Madaxda iyo ka jawaabista Xaaladaha deg dega ah.
Dhamme Axmed Bashiir Dhaga cadde oo kamid ah Tababarayaasha soo saaray ciidankan gaarka ah ayaa sheegay in ay wax badan kusoo kordhin doonaan Amniga, lana sii wadi doono Tababarada la siiyo Ciidammada Qalabka sida ee Jubbaland si guul looga gaaro Dagaalka Dowladda dhexe iyo Maamulada hoostaga ay kula jiraan Argagaxisada Al shabaab.
Ciidammada Jubbaland iyo kuwa Xoogga Dalka ayaa Howlgalo deegaano dhowr ah looga sifeeyay Cadowga Umadda Soomaaliyeed ee Al shabaab waxay ka wadaan Jubbooyinka iyo Gedo.
