Guddiga ku howlan maamul u sameynta gobalada dhexe ee Soomaaliya ayaa sheegay in ay soo gabagabeeyeen kulamada wadatashiga ahaa oo ay la qaadanayeen madaxda iyo waxgaradka goboladaasi.
Afhayeenka guddiga maamul u sameynta gobalada dhexe Cumar Cali oo la hadlay Radio Muqdisho ayaa sheegay in ay soo gaba gabeeyeen kulamada wadatashiga ahaa ee la yeelanayeen qeybaha bulshada taasi oo ay uga gon lahaayeen sidii dadka ay ugu qanci lahaayeen maamulka ay qorsheynayaan in gobolada dhexe ay u dhisaan.
Related posts
Afhayeenka ayaa waxa uu sheegay in ay dhiman yihiin oo kaliya sidii loo dhaqaaqi lahaa islamarkaana loo wajihi lahaa shaqooyinka loo igmaday iyo in dib u hishiisiin loo qabto dadka wada daga gobolada dhexe.
Dowladda Soomaaliya ayaa wada dadaalo lagu hirgalinayo nidaamka federaalka, iyadoo hadda meel wanaagsan uu marayo dhismaha maamulka gobolada dhexe oo dowladdu hormuud ay u tahay.
