Maamulada Galmudug iyo Puntland oo ku guuleeystay in Ciidamo isku dhaf ah ay kala dhax dhigaan Maleeshiyo beeleedyo colaad ku dhexmaray Gobalka Mudug.
Labada dhinac ayaa ku heshiiyay in Maleeshiyo Bèeleedkii ku dagaalamay deegaannada Galbeedka Gobalka Mudug la kala geeyo Dagmooyinka Goldogob iyo Bandiiradleey sidoo kala labada Maamul Madax ka socata ay maalinta berri ah ay si wadajir ah kormeer ugu sameeyaan goobaha Maleeshiyaadka laga qaado si loo hubiyo dhaqan galka Kala qaadista Maleeshiyaadka
Marka la xaqiijiyo Dhaqanka heshiiska Hordhaca ah ee Xabad joojinta iyo kala qaadista Maleeshiyaadka kadib in loo gudbo dhameystirka Heshiiska.
Shir balaarana oo looga wada hadlayo xal gaarista sababaha soo celceliya Colaadda iyo Dirirta uu ka furmo Magaalada Gaalkacyo maalinimada isniinta haddii aysan imaan Culeysyo kale
Wasiirka Wasaaradda Maaliyada Dowlad Goboleedka Puntland Maxamed Faarax iyo Wasiirka Wasaarada Amniga Dowlad Goboleedka Galmudug Maxamed Cabdi Aadan Gaboobe oo warbaahinta la hadlay ayaa tilmaamay in heshiis hor dhac ah laga gaaray dagaalka.
Qorshaha waxaa uu yahay in labada ciidan ee ku dagaalamay meygaagta in caawa ay kala tagaan Goldogob iyo Bandiiradleey si loo xaqiijiyo sii socoshada wada hadalada
