Guddoomiyaasha Gobolka mudug ee Puntland iyo Galmudug Gudoomiye Axmed Muuse Nuur iyo Mudane Cabdiraxmaan Cali Diiriye oo maanta shir ku qabtay Gaalkacyo ayaa si wadajir ah u sheegay in Xaalad deg deg ah la galiyay Magaalada Gaalkacyo gaar ahaan Goobaha la iskuugu yimaada si looga fagaado faafitaanka cudurka Covid19
Shirkooda ayay ku sheegeen in caawa laga Bilaabo Bandow lagu soo rogay Gaalkacyo shacabkuna u hugaansamaan Amarada kasoo baxay Madaxweynayaasha Galmudug iyo Puntland , ayagoo xusay in ayagana u taagan yihiin fulinta amarada kasoo baxay Madaxdooda.
Go aankaan ay soo saareen Masuulyiinta Gobolka mudug ee Galmudug iyo Puntland ayaa qeyb ka ah ololaha looga hortagayo faafitaanka cudurka Covid19.
