Maamulaha xarunta xannaanada aqoonta gabdhaha ee Boondheere, ahna gudoomiye ku xigeenka ururka macalimiinta qaranka Soomaaliyeed, Marwo Nuurto Maxamed Caddoow ayaa haweenka Soomaaliyeed ugu hambalyeeysay xuska maalinta haweenka oo ku asteysan maanta oo ah 8-da Marso.
Marwo Nuurto Maxamed ayaa haweenka Soomaaliyeed ku boorrisay ineey u midoobaan sidii ay gacan uga geysan lahaayeen horumarka dalka, iyadoo u rajeysay haweenka Soomaaliyeed horumar iyo baraare.
Dhinaca kale waxeey ka warbixisay xaaladda gabdhaha aqoonta ah ee ku jira xarunta xanaanada gabdhaha ee Boondheere, waxeyna xustay iney boqolaal gabdho arday gabdho ah ay ku jiraan xarunta.
Waxey tilmaantay ineysan jirin cid ku taakuleysa xarunta marka laga reebo maamulka gobolka Banaadir, oo ay tilmaantay in uu door wanaagsan ka qaato daryeelka gabdhaha agoonta ah eek u jira xaruntaasi.
