Guddoomiye ku xigeenka gobolka Bari ahna ku simaha guddoomiyaha Axmed Cali Cirro oo ugu horreyn kulanka furay ayaa sheegay in dadka gobolkan ku nool ee ka soo jeeda koofurta Soomaaliya ay yihiin ganacsatada labaad ee ugu badan gobolka marka laga soo tago kuwa u dhashay gobolka Bari, wuxuuna intaas ku darayย iney isla garteen Odayaasha iyo waxgaradka ay la kulmeenย in ay ka wada shaqeeyaan amniga gobolka,
Isagoo ballan qaaday in maamul ahaan ay gacan ku siin doonaan sidii ganacsiyadooda sinabadgaly aha ugu wadan lahaayeen iyagoo aan ka duwaneyn ganacsatada gobolkaan u dhalatay.
Nabadoon Cabdul qaadir Ibraahim Xarago oo ka mid ah nabadoonada gobolka Bari ayaa sheegay in dadka ka yimid koofurta Soomaaliya ay ka mid yihiin bulshada Soomaalida ee gobolkaan kunool, loogana baahan yahay bulshada in la ixtiraamo, xuquuqdoodana la ilaaliyo.
qaar ka mid ah Odayaashii maanta kulanka la qaatay maamulka gobolka Bari ee ka soo jeeday Koofurta Soomaaliya oo goobta ka hadlay ayaa sheegay iney ku faraxsan yihiin kulanka dhexmaray iyaga iyo maamulka islamarkaana ay ballaan qaadayaan waxyaabihi laga wada hadlay oo amniga uu ugu horreeyo.
kulanka nmaanta dhexmaray qaarka mid ah Odayaasha iyo Waxgaradka ka soo jeeda Koofurta Soomaaliya iyo masuuliyiinta maamulka gobolka Bari ayaa ku soo beegmaya iyadoo dhawr jeer oo hore falal ammaan daro oo gobolka Bari ka dhacay lagu eedeeyey inay ka dambeeyeen dad ka soo jeeda Koofurta Soomaaliya taas oo soo dadajisay in labadadhinac ay kulan wada qaataan si meesha looga saarowararka been abuurka ah ee la xiriira in dadka koofurta ka soo jeeda ay dhibaateeyaan bulshada gobolkaasi Bari ku nool.
Wariyaha Radio Muqdisho ee Boosaaso Aaamino ladan Axmed Cali
