Guddomiyaha degmada Buur hakaba ee gobolka Baay, Maxamed Ibraahim Nuur, oo la hadlay Radio Muqdisho codka jamhuuriyadda Soomaaliya ayaa sheegay in ammaanka magaalada uu yahay mid wanaagsan isla markaana uu socdo howlgallo lagu xaqiijinayo Xaaladda amniga deegaanada hoos yimaada degmada.
Guddoomiyaha, ayaa sidoo kale sheegay in wada shaqayn wanaagsan ay kala dhexeyso Shacabaka degmada, Taasna ay keentay in ammaanka uu wanaagsanaado.
Max’ed Ibraahim Nuuur, gudoomiyaha degmadda Buur hakaba ayaa sidoo kale xusay in horumar dhanka caafimaadka uu ka socda degmadda, isagoo tilmaamay in cisbitaal weyn ay dhawaan dhegax dhigeen, haatana dhismihiisa uu meel fiican marayo taa oo ay ka qeybqaadanayaan qeybaha kala duwan ee Shacabka iyo ganacsatada degmada.
Degmada Buur hakaba, waxaa inta badan laga cawdaa biyo yari ka jirta maadaama aysan laheyn ceel ku filan dadka degan degmada, hase ahaatee guddoomiyuhu waxaa uu sheegay in ay arrintaas wax weyn ka qabteen markii dhowaan ceel biyood ka hirgeliyeen halkaas.
Guddoomiye Maxamed, ayaa sidoo kale sheegay in meel gabagebo ah uu marayo dhismaha garoon diyaaradeed oo degmada Buur hakaba ay yeelato, kaas oo qeybka ah horumarka maamulka ay ka sameeyeen degamada.
Ugu dambeyn gudoomiyaha degmada ayaa ugu baaqey dowlad goboleedka Koonfur Galbeed Soomaaliya dowlada federaalka si loo cirib tiro maleeshiyaadka Alshabaab isla markaana loo furo waddada isku xirta Muqdisho iyo Baydhabo ee marta Buur hakaba.
