Maamulka Degmada Balcad ee Gobolka Shabelaha Dhexe ayaa qalab Isboorti Guddoonsiiyay Xiriirka Kubadda cagta ee Degmadaas si Kor loogu qaado Isboortiga Degmada.
Qalabkaan oo isugu jiray dhamaan agabyada isboortiga ayaa munaasabadii lagu guddoonsiinayay xiriirka kubadda cagta ee degmada ka qeyb galay masโuuliyiin kala duwan, iyadoo cayaar saaxiibtinimo ay wada cayaareen kooxaha Halgan iyo Irdoole
Cayaarta waxa ay ku soo idlaatay 2-0 oo ay guusha ku raacday Fc Irdoole ee degmada Balcad, waxaana dhamaan dadkii u soo daawasho tegay cayaarta ay u riyaaqeen cayaar wanaaga ay soo bandhigeen labad koox.
Guddoomiyaha Isboortiga ee degmada Balcad Shiine Caraaye ayaa sheegay in xiriirka ay ku qancaan qalabka isboorti ee uu maamulka guddoonsiiyay, isagoo dhalintii ku cayaareysay kooxaha Halgan iyo Irdoole uga mahadceliyay qaab cayaareedkii ay soo bandhigeen.
Ismaaciil Maxamed Muqtaar oo loo yaqaan โJuunisโ oo ah qabiir isboorti ayaa sheegay in waqtigii ay u cayaari jireen magaca degmada aysan jirin taageero kan la mid oo ay heli jireen, waxaana cayaartooyda ku booriyay inay horumariyaan isboortiga.
Guddoomiye ku-xigeenka koowaad ee degmada Balcad ee dhanka amniga ahna ku-simaha Guddoomiyaha degmada Cabdullaahi Maxamed Xasan Tiitoow ayaa sheegay in agabkan uu yahay mid ay ku dhiiri gelinayaan dhallinyarada Isboortiga ee degmada, waxaana uu intaa ku daray inay sii wadayaan horumarinta isboortiga ee degmada.
