Maamulka Degmada Buule Burte ee Gobalka Hiiran ayaa sheegay in howlo badan oo mashaariic ah laga fuliyay Degmada, ayna diyaar u yihiin inay joogteeyaan hirgelinta mahaariicda lagu horumarinayo degmada.
Guddoomiye Cabdcasiis Duurow oo la hadlay Radio Muqdisho ayaa sheegeay in ilaa iyo 6 mashuurc oo qeybo kala duwan leh laga hirgelinayo Degmada si loo dardargeliyo adeegyada la siinayo shacabka ku nool Degmada Buula Burte.
“Lix mashruuc ayaa qorsheysan inaan hirgelino, afar ayaa hada si fiican u socoto, xaaladda amniga ee Degmada waa mid degan, garoonka diyaaradaha waxaa ka socoto shaqo isxilqaan ah oo aan garoonka ku balaarineyno, Walaalaheen AMISOM gaar ahaan Jabuuti ayaa gacan naga siineyso” ayuu yiri Guddoomiyaha Degmada Buula Burte.
Cabdicasiis Duurow ayaa ugu baaqay Jaaliyadda iyo ganacsatada Degmada inay ka qeyb qaataan horumarinta Degmada, isagoo xusay inay sii wadayaan dib u dhiska xarumaha Danta guud, si shacabka ay u helaan adeegyo tayo leh.
