Ayadoo Mudoyinkii igu Dambeeyay gaadiidlayda Magaalada Gaalkacyo Cabashoyin ka Mujiyeen Bur-burka Waddoyinka Magaalada ayaa waxaa Dowladda hoose ee Gaalkacyo bilowday Qorshayaal lagu Dayac tirayo waddoyinka Magaalada waxaana meel dayac tirka lagu Sameeyey ka mid ah.
Buundooyinka Magaalaga Ka saaraa Biyaha Xiliyada Robab, Isla markaana ay dhibaato ku Qabeen gaadiidka iyo dadweynaha.
Maamulka Dagmada Gaalkacyo oo Ka duulaya Dhibaatooyinka Ka dhalan kara Biyaha Fariista Xili roobaadka iyo Mida ay bulshadu kala kulmaan ayaa isku xilqaamay dhismaha Buundadaan oo ah tii labaad oo laga dhex samaynayo magaalada Gaalkacyo ee Xaruunta Gobolka Mudug.
Duqa Degmada Gaalkacyo ee Maamulka Galmudugย Mudane Xirsi Yuusuf Barre ayaa Sheegay In Saakay wadaan dhismaha Buundadii labaad oo ay ka dhex samaynayaan Gaalkacyo,waxaana uu xusay in ay horey ugu soo guuleysteen Buundo kale.
Xirsi yuusuf Bare Duqa Magaalada Gaalkacyo ee Maamulka Galmudug ayaa ugu baaqay bulshada Magaalada Gaalkacyo in ay ka qeyb qaataan bilic soo celinta Magaalada gaar ahaan danta guud sida Wadooyinka islamarkaana ay muhiim tahay in ay bulshada Reer Gaalkacyo fahmaan Horumarka Magaalada iyo Gobalkaba.
Related posts
