Qalabkaan oo isugu jiray ilaa iyo lix qeybood oo ay ka mid ahaayeen Kombiyuutaro, kaamirooyin iyo agabyo kale ayaa hay’adda shaqaalaha adduunka I.L.O ay maanta ku wareejisay maamulka degmada Galkacyo ee Dowlad Gobaleedka Soomaaliyeed ee Galmudug.
Madasha qalabkaan lagu wareejinayay waxaa goob joog ka ahaa mas’uuliyiin ka socatay Hay’adda I.L.O iyo kuwa maamulka degmada Galkacyo.
Injineer Ciise Cumar Maxamed oo ku hgadlayay magaca hay’adda I.L.O oo isna goobta ka hadlay ayaa uga mahad celiyay maamulka degmada gaalkacyo sida ay markasta uga gacan siiyaan hay’adda I.L.O hirgalinta mashaariicda ay ka fuliyeen degmada Galkacyo
“Ugu horeyn waxaan uga mahad celinayaa maamulka degmada Gaalkacyo sida wanaagsan ee ay markasta nooga gacan siiyaan hirgelinta mashaariicda faraha badan ee aan ka fulinay Gaalkacyo waayo la’aantiin waxba nooma qabsoomeen sidaa darteed hay’adda I.l.O waxay markasta diyaar idinkula yihiin in ay idinka gacan siiyaan waxyaabaha aad u baahantihiin, gaar ahaan dhanka horumarinta adeegyada bulshada” ayuu yiri Injineer Ciise.
Duqa degmada gaalkacyo Bile Diini Cali ayaa tilmaamay in qalabka uu wax weyn ku soo kordhin doono adeegyada ay bulshada u hayaan.
“Halkaan waxaad ku aragtaan qalab ka kooban lix sheey oo maanta oo ah 2 September 2015 ay nagu wareejisay Hay’adda I.L.O, waxaana qalabkaasi hadda si toos ah noogu keenay Injineer Ciise oo ka wakiil ah hay’adda I.L.O waana uga mahad celineynaa qalabkaas oo ay ka mid yihiin dhiski toobyo, borojaktar GPS iyo waxyaabo kale, waxaana rajeynayaa in dalka iyo dadka waxbadan u tari doonaan” ayuu yiri Bile Diini.
