Guddoomiyaha Degmada Heliwaa Cabdixakiin Cumar Cabdulle ayaa tababar aqoon kororsi ah siiyay qaar ka mid ah Guddoomiye waaxeedyada degmada si sare loogu qaado aqoontooda.
Tababarkan oo ahaa mid hal maalin ah ayaa Guddoomiyaha waxa uu diiradda ku saaray xoojinta Ololaha Nadaafadda iyo Naleynta degmada, si loo soo celiyo bilicda iyo quruxdii ay lahayd Heliwaa.
Qaar ka mid ah dadka ka faa’iideystay tababarkan ayaa sheegay inay ku dabaqi doonaan howlaha loo igmaday, ayna gaarsiinayaan bulshada inteeda kale.
Guddoomiyaha Degmada Heliwaa Cabdixakiin Cumar Cabdulle ayaa kula dar daarmay ka qeyb galayaasha tababarka halka maalin socday inay bulshadooda ugu adeegaan si daacad ah, ayna xoojiyaan Nadaafadda iyo Naleynta Degmada.
Maamulka Degmada Heliwaa ayaa ku howlan dib u soo nooleynta bilicdii ay Degmadu lahayd.
