Maamulka Gobolka Banaadir ayaa munaasabad lagu dhiiri gelinayay Naadiga Muqdisho City ee Dowladda Hoose ugu sameeyay magaalada Muqdisho.
Munaasbadda oo ay ka qeyb galeen masโuuliyiinta xiriirka Soomaaliyeed ee kubadda cagta, xubno ka socday maamulka Gobolka Banaadir, cayaartooy, Macalimiin iyo marti sharaf kale ayaa diiradda lagu saaray sidii dhaqaale loogu bixin lahaa horumarinta isboortiga dalka.
Related posts
Guddoomiyaha Naadiga Muqdisho City Abuukar Maxamed Sheekh ayaa sheegay in ay ku dadaali doonaan sidii ay kaalimaha hore uga geli lahaayeen Horyaalka kubadda cagta Soomaaliya, isagoo ka codsaday shirkadaha ka howlgalla dalka ay maalgeshi ku sameystaan kooxaha ka dhisan dalkeena.
โUjeedka sanadkan waxa ay tahay in meesha aan taaganahay aan ka sii horumarno, oo aan ku guuleysano horyaalka Dalka ama aan hiigsano kaalimaha hore ee horyaalkaโ ayuu yiri Guddoomiyaha Naadiga Muqdisho City.
Guddoomiyaha Xiriirka Kubadda Cagta Soomaaliya Cabdiqani Saciid Carab ayaa sheegay in Maamulka Goboka Banaadir looga baahanyahay in uu xoogga saaro sidii dib u dhis loogu sameyn lahaa garoonka Naadiga Muqdisho, si ay u helaan adeegyada cayaartooyda u baahantahay.
โFariinteena waxa ay tahay in maamulka gobolka uu ka qeyb qaato dib u dayactirka garoonka Naadiga Muqdisho iyo garoomada kale ee lagu horumarin karo isboortiga dalka, anaguna dhankeena ayaan garab istaageen dib u habeynta garoomada kubadda cagtaโayuu yiri Cabdiqani Saciid Carab.
Guddoomiye ku-xigeenka arrimaha bulshada ee Maamulka Gobolka Banaadir Basma Caamir Jakeeti ayaa sheegtay inay garab istaagayaan horumarinta isboortiga dalka, iyadoo cayaartooyda Naadiga dowladda Hoose ee Xamar ka dalbatay inay dhankooda xoojiyaan kulamada ay cayaarayaan.
โWaan idin garab taaganahay, cid waliba ayaa idin taageerayo waayo gobolka Banaadir ayaad ka tirsantihin, idinkuna waxaa la idinka rabaa inaad dadaalkiina muujisaan ee ah horumarka dhanka isboortigaโayay tiri Basma.
