Guddoomiyaha degmada Qandala Shirin Maxamed Quurshe oo Warbaahinta Qaranka u warramay ayaa sheegay in jidka loo galay gaari ay la socdeen Askar ka tirsan Ciidamada Puntland iyo dad rayid ah.
Falkan oo dhacay shalay gelinkii dambe ayaa guddoomiyuhu sheegay in maleeshiyad hubeysan ay gaariga ku joojiyeen meel 35-km u jirta degmada Qandala, isla markaana ay sagaal nin kala degeen oo afar ka mid ah ay ahaayeen Askartooda, walow qaar ka mid ah oo cagahooda ku baxsaday uu sheegay iney khadka Telefoonka kula soo xiriireen.
Guddoomiyaha degmada Qandala Shirin Maxamed Quurshe ayaa sheegay in saakay ciidammo ay u direen deegaanada lagu tuhmayo iney ku suagn yihiin Maleeshiyaadkaasi, kuwaasoo sameynayo howlgallo lagu soo badbaadinayo dadka ay afduubteen iyo kuwa howdka ku baxsadayba.
Maleeshiyada ayaa la sheegay iney fasaxeen gaarigii oo ay la socdeen haweeney carruur sidatay iyo darawalkiiba.
Halkan ka dhageyso Wareysiga
Related posts
