Gudooomiyaha Degmadda Hobyo ayaa Si weyn usoo dhaweeyey in Dowladda Federaalka ah ee Soomaaliya ay ku guuleysatay Heshiis lagu doonayo in dalka loo soo wareejiyo muwaadiniin Soomaaliyeed oo Dalka Dibadiisa ku xiran.
Gudoomiyaha ayaa aad ugu mahadceliyey Wasiirka Arimaha Dibadda iyo Ra’isul Wasaaraha Dalka oo uu sheegay in ay howl wanaagsan qabteen madaama ay ku guuleysteen in muwaadiniin Soomaaliyeed oo dalka dibadiisa ku dhibanaa loo soo wareejiyo gudaha Dalka Soomaaliya.
Dhanka kale Salaad Xaashi diirshe oo ah Waalidka qaar ka mid ah Maxaabiista ku xiran Dalka India ayaa Soo dhaweeyey Talaabada ay qaaday Dowladda Soomaaliya asagoo xusay in ubadkooda ay halkaas aad ugu dhibanaayeen isla markaana marwalbo xaalad halis ah looga soo sheegi jiray.
Sidoo kale waxa uu sheegay in maxaabiista ku xiran dalka india aysan wada ahayn Burcad Badeed waxa uuna xusay in qaar badan oo ka mida ha ay ahaayeen kaluumeysto lagu xadgudbay isla markaana cadaalad daro lagu heystay.
