Tababarkaan oo ahaa mid lagu barayay 110 haween ah oo ka mid ah qoysaska barakacayaashaa ee ku nool qaar ka mid ah xeryaha barakacayaasha ee deegaanka Xaarxaar xirfado ay ku shaqeystaan kuwaas oo kala ah karinta Dharka iyo Cilaansaarka ayaa maanta lagu soo gabagabeeyay magaalada Gaalkacyo.
Tababarkan oo ay taabagalintiisa gacan ka geysteen Hay’adda SSWC iyo Maamulka Dagmada Galkacyo ee Galmudug ayaa waxaa ugu horeyn munaasabadda shahaadooyinka lagu guddoonsiinayay ka hadlay Fowsiyo Axmed Kaarshe oo aheyd macalimadii Tababarka bixineeysay, waxa ayna sheegtay in muddo sadax bilood ah lagu baray Xirfado ay ku shaqeeysan karaan islamarkaana ay ku maareeyn karaan Nolasha qoysaskooda.
Marwo Fowsiya ayaa xustay in Hay’adda SSWC Iyo Maamulka dagmada Gaalkacyo ee Galmudug ay suurta galiyeen in xirfadaha Cilaansaarka iyo Naqshadeeynta Dharka La baro haweenka.
Axmed Cismaan Daahir (Haruuse) Madaxa Qeybta Barakacayaasha Maamulka Dagmada Gaalkacyo oo isna la dardaarmay Xubnaha Tababarka la siiyay ayaa aheegay in xirfadaha ay barteen ay kaga maarmi doonaan shaqooyin badan oo ay horay ugu maareeyn jireen nolashooda iyo ku tashiga deeqaha Samafalka iyo gargaarka oo aan dabooli karin baahidooda
Qaar ka mid ah xubnihii Tababarka Ka faa”iideystay oo Warbaahinta Qaranku ay wax ka weydiisay Sida ay u arkaan Xirfadaha ay barteen ayaa iyagu sheegay in ay maanta ku faraxsan yihiin in ay bartaan Xirfado ay ku shaqeeysan karaan ayna uga maarmi karaan gacmo hoorsi waxa ayna uga .mahad celiyeen Dowladda Hoose ee dagmada Galkacyo iyo Hay’adda SSWC garab istaaga ay ka heleen
