Maamulka Galmudug iyo Ururka Ahlusunna Waljameeca oo maalmihii u dambeeyay ay ugu socdeen Wadahadallo Magaalada Cadaado ee Gobolka Galguduud ayaa waxaa Maanta Heshiis Awood-qaybsi ah ku kala Saxiixday.
Heshiiskan ayaa ka kooban dhowr qodob, wuxuuna ku qotoma sidii Maammulka Ahlusuna Waljamaaca ay qayb uga noqon lahayd Maamulka Galmudug ee Magaalada Cadaado lagu dhisay bishii lasoo dhaafay ee July.
Qodobbada ku xusan Heshiiskan ayaa waxaa ka mid ah inay Ahlu-sunna xubno ku yeelato Golayaasha Maamulkan sida; Xildhibaanada, Wasiirada, Agaasimayaasha iyo Maamullada Goballada iyo Degmooyinka uu ka taliyo maamulkaas.
Dhanka Galmudug ayaa waxaa heshiiskan u saxiixay Madaxweynahooda, C/kariin Xuseen Guuleed, halka Ahlusunna Waljamaaca uu Heshiiska u Saxiixay Guddoomiyaha Seddexda Gole ee Ahlusunna, Sheekh Ibraahim Guureeye.
