Bulshada Deegaanka Mareer-gur ee Gobolka Galgaduud ayaa mas’uuliyiinta Wasaaradda Shaqada iyo Arimaha bulshada Galmudug iyo xubno ka socday Maamulka Caasimadda Galmudug u soo bandhigay adeegyada ay u baahanyihiin iyo in faah faahin laga siiyo mashruuca Baxbaano oo Dowlada Federaalka Soomaaliya ugu talagashay in bulshada lagu taakuleeyo kadib kormeer xubno uu Wasiirku hogaaminayo ay halkaasi ku tageen.
Guddoomiye ku-xigeenka Amniga iyo Siyaasadda Caasimada Galmudug Cabdi Xaashi Caroole ayaa bulshada Deegaanka warbixin ka siiyey Mashruuca Baxnaano maadaaba dad fara badan oo danyar ah deegaanka laga Diiwaangaliyey.
Wasiir ku-xigeenka Wasaarada Shaqada iyo Arimaha Bulshada ee Dowlad Goboleedka Galmudug mudane Maxamed Nuur Diini ayaa xusay in kormeerkoodu yahay ogaanshaha cabashada bulshada iyo dabagalka sidii Mashruuca Baxnaano looga faa’iideysan lahaa.
Ugu dambayn Wasiirka Wasaaradda Shaqada iyo Arimaha Bulshada Galmudug ayaa tilmaamay in mashruucan la siin doono bulshada kuwooda danyarta ah, isagoo ka digay in wax la musuq maasuqo.
Mashruuca Baxnaano oo ay bixinayso Dowlada Soomaaliya ayaa deegaannada Galmudug waxaa ka faa’iidaysanaya in ka badan sideed iyo labaatan kun oo Qof.
