Kulanka ayaa u jeedkiisu ahaa sidii maamulka gobolka Bakool loogu wareejin lahaa qalabk caafimaad oo loogu tagalay isbitaalka magaalada Xudur kaas oo ay soo dhiibeen jaaliyadda ka soo jeeda gobolkaas oo ku dhaqan dalka Mareykanka, qaaradda Yurub, Australia iyo meelo kale oo caalamka kamid ah isla markaana ay halkan ay soo gaarsiisay heyβadda Arlaadi Aid oo fadhigeedu yahay Mareykanka.
Waxaana kulanka ka qeybgalay xildhibaan ka tirsan baarlamaanka Soomaaliya iyo masβuuliyiin maamulka koofur galbeed ka tirsan, guddoomiyaha gobolka Bakool iyo xubno kale.
Related posts
Maxamed Macalim Cabdi, oo ka wakiil ahaa heyβadda qalabka caafimaad loo soo dhiibey isla markaana ku wareejisay maamulka gobolka Bakool ayaa sheegay in ka heyβad ahaan ay guteen amaanadii loo soo dhiibay.
Guddoomiyaha gobolka Bakool Maxamed Cabdi Tall, oo qalabka lagu wareejiyay ayaa u mahadceliyay jaaliyadda iyo heyβadda Arlaadi Aid, isagoo sheegay in ay ugu adeegi doonaan qalabkan dadkii loogu talagalay.
Isagoo sidoo kale u mahadceliyay heyβadda DDG oo gacan ka geystay in qalabkan caafimaad la gaarsiiyo magaalada Xudur ee xarunta gobolka Bakool, waxaana uu intaa ku daray in heyβaddaas mashaariic badan ka fulisay gobolkaas.
Xildhibaan Sheekh Aadan Maxamed Nuur (Aadan Madoobe) oo ka tirsan baarlamaanka Soomaaliya kana hadlay kulanka ayaa sheegay in ay jaaliyadda qalabka soo dhiibtey ay mudan yihiin ku dayasho, maadaama ay sameeyeen wax qabad muuqda oo loogu adeegaayo dadka Soomaaliyeed ee ku nool gobolka Bakool.
Qalabkan caafimaad ayaa qiimahiisa ka badan yahay 200 kun oo doolar, isla markaana uu ku so aaday waqti ay baahi badan oo dhanka qalabka iyo dawada ay ka jirta, maadaama guud ahaan gobolka Bakool uusan ka jirin isbitaal laga helo adeegyada caafimaadka oo dadka u baahan yihiin.
