Muwaadin Axmed Abuukar Axmed oo Mudo ka badan 20 sanoย si sharci darro ah looga haystay gurigiisa oo ku yaalla degmada Shibis ee Gobalka Banaadir ayaa waxaa maanta furaha gurigiisa ku wareejiyay Guddoomiyaha Gobalka Banaadir ahna Duqa magaalada Muqdisho kadib markii ciidamada Booliiska ay ka saareen dadkii sharci darrada ku dagnaa.
Guddoomiyaha Degmada Shibis Axmed Muumin Maxamedย ayaa warbaahinta Qaranka Soomaaliyeed u sheegay in digniino loo jeediyayย dadka sharcidarrada ku dagnaa gurigaasi, hasa ahaate ay ka madax adeygeen sidaas darteedna ay Ciidamada Ammaanka xoog uga saareen.
Related posts
Axmed Abuukar Axmed oo ah muwaadinkii gurigiisa lagu wareejiyay ayaa u mahad celiyay Maamulka Gobalka Banaadir iyo ciidanka Boliiska qeybta Gobalka ย โaad ayaan ugu faraxsa nahay in maanta gurigeyga la igu wareejiyo waxaana u mahad celinaaya Maamulka Gobalka Banaadir Ciidamada Booliiskaโ ayuu yiri.
Taliyaha Qeybta Guud Gobalka Banaadir ee Ciidanka Boliiska Soomaliyeed G/Sare Bishaar Abshir Geedi ayaa dhankiisa tilmaamay ciidamada Booliska ineysan eegan doonin dulmiga loo geysanayo dadka maatida ah.
โWaa laga gudbay xiligii maatada la dulmin jiray ama la is xoogi jiray qof kasta sharciga ayaa ka weyn, marka ma socon doono iyadoo dowlad ay jirto in wax xoog lagu haystoโ ayuu yiri G/sare Bishaar.
Ugu dambeyn Guddoomiyaha Gobalka Banaadir ahna Duqa Magaalada Muqdisho Md. Yuusuf Xuseen Jimcaale โMadaaleโ ayaa sheegay in cid kasta oo dhul sharci darro ah deganย si deg deg ah looga bixin doono islamarkaana lagu wareejin doono muwaadinki xaqa u lahaay,,cod
โMa dhici doonto in qof muwaadin soomaliyed ah gurigiisa xoog lagu daga naado arintaasi waa soo gaba gabootay cidkaste cadaaladda ayaa ka wey,n maantana sida aan muwaadinkan gurigiisa ugu wareejineyno ayaa muwaadin kasta waxiisa u helaayaโ.
Maamulka gobolka Banaadir oo kaashanaya Ciidanka Ammaanka ayaa horey dad si sharci darro ah looga haystay gurayahooda ugu wareejiyey.
