Guddoomiyaha Gobolka Banaadir ahna Duqa magalada Muqdisho Mudane Cumar Maxamud Maxamed (Cumar filish) Guddoomiye xigeenadiisa, Wasiir u Dowlaha Wasaaradda Waxbarashada iyo Guddoomiyaha Degmada Dayniile ayaa si wadajir ah u dhagax dhigay Dugsiga sare ee Qanyare oo si bilaashah wax ugu baran doonaan carruurta Degmada Dayniile.
Munaasabad kooban oo lagu qabtay Deyniile ayaa madaxdii ka hadashay waxa ay ka mahadceliyeen hirgelinta iskuulka oo qeyb ka noqonaya xarumaha Waxbarashada ee Gobalka Banaadir oo uu Maamulo Agaasinka Waxbarashada ee Gobolka Banaadir.
Arday badan ayaa fursad u heli doona inay ka faa’iideystaan iskuulkan cusub ee laga hirgelinayo degmada Deyniile, kaasi oo ah dugsiga sare ee Qanyare.
Maamulka Gobolka Banaadir ayaa wada qorsheyaal lagu balaarinayo goobaha waxbarashada ee sida lacag la;aanta ah wax loogu barayo carruurta Soomaaliyeed.
