Gudoomiyaha Gobolka Banaadir ahna Duqa Magaalada Muqdisho Mudane Taabit Cabdi ayaa booqday Xarunta Agoonta ee Degmada Boondheere asaga oo maanta la qeybsaday Farxada Maalinta Ciidul Fidriga isla markaana ugu hambalyey Farxada Maalinta Kowaad ee Ciidul fidriga.
Booqashada Gudoomiyaha ayaa waxaa ku wehlinayey Gudoomiye ku xigeenada Gobolka Banaadir iyo Xoghayaha Guud ee Maamulka Gobolka Banaadir , waxa ayna hadiyado kala duwan u qeybiyeen Caruurta danyarta iyo agoonta isugu jirtay oo ay ku booqdeen Degmada Boondheere ee Gobolka Banaadir.
Gudoomiyaha Gobolka Banaadir ahna duqa Magaalada Muqdisho ayaa sidoo kale hambalyo u diray dhamaan Shacabka Soomaaliyeed asaga oo ugu hambalyey farxada Maalinta weyn ee Ciidul Fidriga.
Sidoo kale Gudoomiyaha Gobolka Banaadir iyo ku xigeenadiisa ayaa booqday Xarunta degmada Waaberi oo ay ku sugnaayeen caruur tiro badan oo isugu jiray agoon iyo danyar kale waxa ayna u qeybiyeen hadiyado kala duwan oo ay ugu talagaleen in ay uga qeyb qaataan ka farxinta danyarta iyo agoonta.
