Afhayeenka maamulka gobolka Banaadir Cabdi fataax Cumar Xalay oo goordhaw la hadlay Radio Muqdisho ayaa sheegay in lagu guuleystay daminta dabkii maqribadii ka kacay Suuqa weyne ee degmada Wadajir kaas oo gaystay qasaare hantiyadeed,
Waxaana lagu soo waramayaa in hada ay xaaladdu caadi ku soo laabatay, laguna guuleystay daminta dabkaasi, waloow aan la ogeyn ilaa hada inta uu la eg yahay qasaaraha hantiyadeed ee uu gaystay dabka,
Waxaana la xaqiijiyay in uu jiro qasaare fara badan oo uu dabka u gaystay goobihii ganacsi ee halkaas ku yiilay kuwaas oo intooda badan ku basbeelay dabka, inkastoo lagu guuleystay badbaadinta qasaarooyin kale oo uu gaysan lahaa.
