Guddoomiye ku-xigeenka gobalka Shabeelada Dhexe ee dhinaca amniga iyo siyaadda Axmed Meyre Makaraan ayaa kormeer ay ugu kuur galayaan amniga ku maraya deegaano ka tirsan gobalkaasi.
Axmed Meyre Makaraan iyo wafdi kale oo ka tirsan maamulka Gobolka Shabeelaha dhexe ayaa magaalooyinka ay kormeerka ku mareen waxaa ka mid ah Warsheekh, Cadale, Raagge Ceelle iyo deegaanno kale, iyagoo u jeedka socdaaalkooda ay la xiriirto sidii ay ula socon lahaayeen xaaladaha ay ku noolyihiin bulshada halkaasi ku dhaqan.
Guddoomiye ku-xigeenka gobalka Shabeelada Dhexe ee dhinaca amniga iyo siyaadda oo meel fagaaro ah kula hadlay shacbaka ayaa waalidiinta ka codsaday in ay dhaqan celin u sameeyaan carruurtooda, isla markaana ay ugu baaqaan inay qeyb ka noqdaan bulshada oo ay ka soo tegaan kooxda Shabaab.
“Waxaan waalidiinta u sheegeynaa haddii ay carruurtooda ka ceshan waayaan kooxda Shabaab, isla markaana ay u caqli celin waayaan, ciidamada amniga tallaabo adag ayay ka qaadi doonaan, mana jiri doonto, aniga ayaa dhalay iyo wax la mid ah, fadlan carruurta waaniya inta aad awoodaan” ayuu yiri Axmed Meyre Makaraan.
