Maamulka isbitaalka magaalada Jowhar ee Caasimadda Hirshabeelle ayaa ka mahadceliyay deeq gargaar ah oo dhawaan Hay’adda Maareynta Musiiboyinka Soomaaliyeed ee SoDMA u dirtay magaalada Jowhar ee xarunta maamulkaas.
Deeqdaan oo maanta gaartay Isbitaalka Jowhar ayaa isugu jirta Daawo, Raashin iyo qalab kale oo muhiim ah kuwaas oo loogu talo galay bukaannada Isbitaalka.
Agaasimaha guud ee isbitaalka Jowhar Drs Ramla Cabdiraxman Cilmi oo wehliyaan howlwadeennada Isbitaalka ayaa Hay’adda Maareynta Musiibooyinka Soomaaliyeed ee SoDMA gaar ahaan Guddoomiyaha Hay’adda Mudane Maxamuud Macalin waxay kaga mahad celisay deeqdaas oo ay sheegeen iney ku soo aadday xiligii ay ugu baahida badnaayeen bukaanada Isbitaalka.
