Maamulka, Saraakiisha Ciidamada, Odayaasha dhaqanka, hay’adaha sama falka iyo Bulshada qaybaheeda kala duwan ee Degmada Buulo-burte ayaa ka wada hadlay go’doonka Magaalada saaran muddada dheer iyo sidii laga yeeli lahaa fatahaadda Webiga Shabeelle, ka dib kulan ay wada qaateen.
Kulanka ayaa waxaa si gaar ah diirada loogu saaray Waddooyinka soo gala degmada oo xiran iyo sidii gargaar Bini’aaddamnimo loo geyn lahaa dadka ku dhaqan degaannada ku teedsan Buulo-burte oo dadka ku nool ay saameeyeen fatahaadda Webiga iyo cudurka Coronavirus.
Guddomiyaha Buulo-burte , Feysal Haajir Aadan ayaa u mahad celshayay hay’adaha ka howl-gala degmada, maaddaama ay soo garab istaageen Bulshada halkaasi ku dhaqan xilli lagu jiro marxalad adag, wuxuuna soo dhoweeyay cid walba oo ghiig joojin u samaynaysa dadka dhibaataysan.
