Magaalada Baydhabo ayaa maanta lagu wadaa in lagu soo gabagabeeyo doorashada xildhibaanadii ku matali lahaa maamulka Koofur Galbeed Aqalka Hoose ee Dowlada Soomaaliya.
Magaalada Baydhabo ayaa waxaa horay loogu doortay ilaa 67 xildhibaan oo ka mid ah 69 ka xildhibaan ee uu maamulkaasi ku leeyahay aqalka Hoose ee Dowlada Federalka ah ee Soomaaliya , waxaana lagu wadaa labada kursi ee harsan in maanta la doorto.
Guddiga Doorashooyinka dadban ee maaamulka Koofur Galbeed ayaa xaqiijiyey in shalay la diyaariyey kaararkii aqoonsiga iyo warqadihii ay ku codeyn lahaayeen eragada dooran doonto labada kursi ee ka haray kuraasta aqalka Hoose uga soo aaday maamulka Koofur Galbeed.
