Wasiirka Beeraha ee maamulka KMG ee Koonfur galbeed Soomaaliya ahna ku simaha Madaxweynaha Koonfur galbeed ayaa shaaca ka qaaday in 6 xubnood oo ay kamid yihiin Wasiiro ka tirsan maamulkaas iyo ganacsatada loo xil-saaray qaban qaabada aaska Allaha u naxriistee Xildhibaan Maxamed Ibraahim Xaabsade oo xalay ku geeriyooday magaalada Muqdisho.
Wararka kale oo Baydhabo ka imaanaya ayaa waxaa ay sheegayaan in boqolaal kamid ah dadka ku dhaqan magaalada Baydhabo ay ku qulqulayeen hayga ama Guriga Allaha u naxriistee Xildhibaan Maxamed Ibraahim Xaabsade uu ku lahaa magaalada Baydhabo.
Qaar kamid ah Ehelada Allaha u naxriistee Xildhibaan Xaabsade ayaa sheegay in Meydka Xildhibaan Maxamed Ibraahim Xaabsade qorshuhu ahaan in maanta la geeyo Baydhabo hase yeeshee ay dib u dhigeen maalinta berito ahna lagu aasi doono magaalada Baydhabo ee xarunta gobolka Baay.
