Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud ayaa maanta kulan looga hadlayay dar dargelinta amniga garoonka Aadan Cadde kula qaatay masβuuliyiin ka tirsan maamulka Garoonka.
Kulanka ayaa waxaa goob joog ka ahaa Wasiir ku-xigeennada Wasaaradaha Amniga iyo duulista hawada, Taliyeyaasha ciidamada booliska, nabad sugidda, saraakiil ka socotay waaxda socdaalka iyo jinsiyadaha iyo xubno ka tirsan shirkadda maamusha garoonka ee FAVORI.
Related posts
Shirka ayaa diiradda lagu saaray sare u qaadidda amniga garoonka diyaaradaha caalamiga ah ee Aadan Cadde, waxaana uu Madaxweynuhu tallooyin ka dhageystay saraakiisha laamaha amniga tallaabooyinka dhanka amni ee horey loo qaaday kadib iskudaygii dhicisoobay ee lagu qaaday diyaaraddii shirkadda duulimadka ee Daalo Airline.
Madaxweyne Xasan Sheekh ayaa sheegay in dowladda Federaalka ah ee Soomaaliya ay waqti dheer ku bixisay sidii looga hortagi lahaa falal amniga ka dhan ah oo ka dhaca garoonka diyaaradaha Aadan Cadde, isla markaana qasaaro gaarsiiya muwaadiniinta Soomaaliyeed iyo dadyowga adduunka ee diyaaradaha garoonka ka duula ay u tegaan.
Dowladda Federaalka ah ee Soomaaliya ayaa isbedel deg deg ah ku sameysay maamulka garoonka, iyadoo Maareeyaha guud ee maamulka iyo amniga garoonka loo magacaabay Jeneraal Cabdi Abshir Jaamac, kadib wareegto ka soo baxday xafiiska Raβiisul wasaaraha Soomaaliya Mudane Cumar Cabdirashiid Cali Sharmaβarke.
Madaxweynaha Jamhuuriyadda Federaalka ee Soomaaliya ayaa armay saraakiisha amniga ee garoonka inay ka hortagaan waxkasta oo Nabadgelyada garoonka Aadan Cadde wax u dhimaya.
Madaxweyne Xasan Sheekh Maxamuud ayaa kormeer ku tegay saldhiga booliska ee garoonka Aadan Cadde oo dib u habeyn casri ah lagu sameeyay, isagoo mid mid u galay qeybaha uu ka koobanyahay saldhigga.
