Miss. Reid, ayaa maamulka iskuulka u sheegtay in ay la kulantay qof qaba COVID-19, sidaasna uu maamulkii iskuulku ku ogolaaday in ay karantiil ku qaadato gurigeeda. Madaama loo cabsaday ardaydda oo ku dhowaad 1000 arday ah, iyo shaqaalaha oo 170 kor u dhaafaya. Hase ahaatee, sawiro iyo muuqaalo ay ka qaaday gabar ardaydeeda ka mid ah, ayaa fashiliyey beentii macalimada, Kadib markii baraha bulshada lagu shaaciyey.
Gabadhan ardayadda ah, ayaa waxa ay muuqaalada ka duubtay macalimadda , xilli ay ku wada jireen saf ay ku sugayeen diyaaradihii ay raaci lahaayeen. Inkasta oo macalimada iyo gabadhu aaney isku diyaarad aheyn, hadana, labada diyaaradood waxa ay u wada socdeen dalka Turkiga.
Mid ka mid ah, waalidiinta Ardaydda oo ka aragti dhiibanayey sawirada ayaa, macalimadda ku eedeeyey in ay iska dalxiiseyso ayada oo fasax been ah qaadaneysa, halka caruurta lagu ciqaabo, hadii ay xanuun u maqnaadaan.
Macallimadan ayaa waxaa ku socda baaris, inkasta oo ay iyadu diidan tahay in ay dalxiis aaday.
