Masโuuliyiin ka tirsan Galmudug iyo Mamulka Degmada Cadaado ayaa ka qeybgalay xafladda xariga looga jarayay Machadka Barashada Qira’aadka Quranka iyo Culuunmta Sharciga.
Machadka barashada Qira’aadka Quraanka Kariimka iyo Culuumta sharciga ee Ceydaruus oo faracyo ku leh wadamo badan oo caalmaka ah iyo qaarka mid ah gobolada dalka ayaa markii ugu horeysay laga hirgeliyay Degaannada Galmudug iyadoo Cadaado ay noqotay magaaladii ugu horeysay ee laga furo machadkan.
Related posts
Machadkan ayaa ah machad ugaara Barashada Qiraa’aadka kala duwan ee Quraanka iyo culuumta sharciga oo lacag la’aan lagu barayo dadka, waxaan xafladiisa furitanka ka qeybgalay Xildhibaanno iyo masโuuliyiin ka tirsan Galmudug Maamulka degmada Cadaado ururka hooyooyinka Degmada culimaโudiinka Waalidiinta iyo ardeyda ka faa’ideysanaysa qeybta hore machadkan.
Ugu horeyn Dr Cabdulahi Cabdiqani oo ka mid ah ardeydii ka soo qalinjabiyay machadkan Ceydaruus qeybtiisa wadanka Yeman ayaa sheegay inay tahay talaabo lagu farxo in farac ka mid ah machadka laga hirgeliyo Cadaado.
Sheekh Tahliil oo kamid ah waalidiinta ka soo qeybgalay Furitanka Macdaka Ceydaruus ayaa sheegay inuu soo dhaweynayo eyna ka faa’ideysan doonaan.
Ugu dambeyn Guddoomiaye ku-xigeenka Degmada Cadaado Nuur Yarow Xeyle iyo Xildhibaan Cabdirisaaq Cali Axmed oo k atirsan Barlamaanka Galmudug ayaa xarigga si wada jir ah uga Machadka Barashada Qira’aadka Quraanka iyo Culuumta Sharciga, iyagoo bulshada ugu baaqay inay ka faaโiideystaan machadka.
