Madasha Hoggaamiyeyaasha Dowladda Dhexe iyo Dowlad Goboleedyada ayaa lagu wadaa in uu maanta ka furmo magaalada Baydhabo ee xarunta dowlad goboleedka Koonfurgalbeed, halkaasi oo ay ku sii qul qulayaan madax dhowr ah.
shirka oo socon doono muddo saddex cisho ah ayaa waxaa ka qeybgalaya Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, Guddoomiyaha baarlamaanka Federaalka ee Soomaaliya Mudane Maxamed Sheekh Cismaan Jawaari, madaxda hoggaamiyeyaasha Qaranka iyo Madaxda dowlad goboleedyada qeybta ka ah dowladda Federaalka ah.
Wasiirka Warfaafinta ee dowlad goboleedka Koonfurgalbeed Ugaas Xasan Cabdi Maxamed oo la hadlay Radio Muqdisho ayaa sheegay in si aad loo adkeeyay amniga magaalada, isla markaana ay socoto soo dhaweynta Madaxda ka qeyb galaysa shirka.
Isbitaalka Bandiiradleey oo lagu soo kordhiyay qeybo cusub
Wasiiru-dowlaha Wasaarada Caafimaadka Dowlad goboleedka Galmudug Daahir Faarax Fiidoow oo ay wehliyeen Mas'uuliyiin ka tirsan Galmudug ayaa maanta xarigga ka...
