Madasha Mindimda iyo dimuqraadiyada waxay caambaaraysay weerarkii ismiidaaminta ahaa ee maanta ka dhacay hotel Central ee magaalada Muqdisho, waxaa madashu tacsi u dirtay ehelkii iyo asxaabtii kuwii ay jeclaayeen ku waayey weerarkaas bahalnimda ah waxayna Madashu u rajeynaysaa caafimaadna buuxa oo deg deg ah inuu eebbe siiyo kuwa ku dhawacmay .
Madashu waxay aad uga walaacsantahay xaalada nabadgaleyda ee Muqdisho iyo sidii shacabka Soomaaliyeed u heli lahaayeen amaan. Weeraradaan is xig xiga ee lala beegsanayo dadka aan waxba galabsan iyo saraakiisha dowlada waa in si wadajir ah looga wada hortago. Weerarkii manta wuxuu hoosta ka xariiqaya baahida loo qabo in Hay’adaha amniga, laamha kala duwan ee dowalada iyo shacabkuba iney si dhow isula shaqeeyaan si meesha looga saaro khatarta argagaxisada.
Madashu waxay soo jeedinaysa in lagama maarmaan tahay danta qaranka in laga hormariyo mida shakhsiyadeed si loo hormariyo amniga dalka loona xaqiijiyo nabad ku noolaanshaha muwadiniinta Soomaaliyeed, waana in laga hortaga waxayaalaha sababta u noqon kara iney dhacaan dhibaatooyin noocaan ah, iyadoo la kaashanayo bulshadeena, culuma u diinka iyo hogaamiyayaasha dhaqanka.
