Guddoomiyaha Degmada Xudur mudane Cumar Cabdulaahi Maxamuud iyo Wefdi uu hoggaaminaayo oo qeyb ay ka ahaayeen Agaasimaha Guud ee wasaaradda Arimaha Gudaha Koonfur Galbeed, La-taleyaal kasocdey Xafiiska Madaxweynaha, saraakiil ka socotey Hay’adda UNDP ayaa maanta magaalada Xudur usoo gaarey qiimeynta mashaariic kala duwan ay ka fuliyeen magaalada iyo kuwo la doonaayo inay hadda ka shaqeyaan.
1. BOOQASHADA DUGSIGA SARE EE BAKOOL, waxey ugu horreyn Wefdigu ay kormeereen Dugsi sare ee Bakool xiligaas oo ardayda kujireen Imtixaanka Sanad-Dugsiyeedka sii dhamaanaaya, waxeyna halkaasi kusoo arkeen Horumar Waxbarasho iyo ubad iftiimaya oo ku dadaalaya inay horumariyaan mustaqbalkooda Waxbarasho.
Related posts
2. XARUUNTA KORONTADA, Guddoomiyaha iyo Wefdiga Waxey booqasho ku tageen Xaruunta korontada magaalada oo la ogsoonyahey inay saameeysay Go’doonka magaalada kujirta oo aysan jirin waddo ay kusoo galo Shidaalka Korontada, Maamulka, ayaa ku howlan qorshe laga maarmaayo islamarkaasina magaalada dhowaan loo sameyn doono Solar System oo magaalada kasaari doona dhibaatada dhanka koronta la’aanta.
3. SALDHIGA-IYO XABSIGA DHEXE, Waxey kormeereen xaruunta Taliska Booliiska Soomaaliyeed ee magaalada Xudur oo sidoo kale kajirto baahi badan, waxey arkeen oo ay qiimeeyaan waxyaabaha laga maarmaanka ah ee u baahan in wax laga qabto, waxeyna warbixin ka dhageysteen Saraakiisha CIidamada Booliiska oo ka warbixiyey sida ay ku shaqeynayaan iyo daruufaha heysata, waxeyna sidoo kale Xabsiga dhexe oo burbur ba’an ka muuqata ay ku arkeen ay qorsheyn doonaan dib u dhiska.
4. CEELASHAHA BIYAHA, Biyaha ayaa kamid ah waxyaabaha intabadan Bulshada magaalada Xudur ay dhib ku qabeen helitaanka xiliyada jiilaalka, Maamulka Degmada Xudur ayaa xoogga saaraya sidii looga bixi lahaa Biyo yarida ka jirto kuna dadaalayaan helidda Biyo nadiif ah, iyagoo kaashanaya Hay’adaha sida UNDP.
5. KULANKA DHALINYARADA IYO HAWEENKA, Waxey kulan mira-dhal ah ay la qaateen Ururada Haweenka iyo Dhalinyarada, waxeyna sheegeen in muhiim ay tahey shaqo abuur loo sameeynaayo dhallinyarada iyo Haweenka, waxaana ururada lagu amaaney kaalinkooda muhiimka ah ee ka shaqeynta amniga, si isxilqaan ahaana horey ugu shaqeyn jireen sugidda amaanka magaalada Xudur.
6. ISBITAALKA GUUD EE GOBOLKA BAKOOL, Saraakiisha UNDP iyo Wefdiga ayaa sidoo kale booqasho ku tageen Isbitaalkla Guud ee Gobolka Bakool oo dib u dhis iyo Ballaarin lagu sameeyey, Sidoo kalena u baahanyahey qalab iyo Daawooyin kufilan oo Bulshadu loogu adeego, Waxeyna warbixin ka dhageysteen Isku-duwaha Wasaaradda Caafimaadka Gobolka Bakool oo uu u sharaxey howlaha Caafimaad ee Bulshadu u qabtaan, Isbitaalkana uu qaabilo maalinkii Bulsho aad u tira-badan oo ka imaanaya Deegaanada Gobolka Bakool.
7. XARUUNTA CUSUB EE MAAMULKA DEGMADA XUDUR, Waa xaruun cusub oo loo dhisey inay ku shaqeeyaan Gudoomiyaha iyo Maamulka Degmada Xudur, Mashruuca dhismaha Xaruunta ayaa qeyb ka ah Daadejinta Adeegyada Dowladaha Hoose, maadaama maamulka uu yahey mid ay Bulshadu soo doorteen, Hay’adda UNDP iyo JPLG oo Dowladaha hoose ka taageeraya Horuamrinta deegaanada ayaa suurtageliyay Dhismaha Xafiisyada iyo Goobaha Bulshada.
Gaba-gabadii waxey kulan la qaateen Maamulka iyo Golaha Deegaanka ee Degmada Xudur, Maamulka Gobolka Bakool oo ay ka wareysteen Xaaladda Guud ee Gobolka iyo waxyaabaha u baahan in xooga la saaro sidii wax loogu qaban lahaa.
Saraakiisha Hay’adda UNDP ayaa ku amaaney maamulka Degamda Xudur daah-furnaata iyo horumarka kasocda Magaalada Xudur ayna ku garab siin doonaan horumarinta Adeegyada Bulshada.
