Agaasimaha Waaxda arrimaha Bulshada ee Wasaaradda Gaadiidka iyo Duulista Hawada, Cabdiraxmaan Dalmar Axmed, oo uu wehilinayo Agaasimaha Waaxda Shaqaalaha iyo tababarada Siciid Cabdullaahi Maxamuud ee Wasaaradda Gaadiidka, ayaa maanta Kormeer shaqo ugu tagay Ciyaartooyda kooxda Gaadiidka, oo ku ciyaarta magaca Wasaaradda Gaadiidka iyo Duulista Hawada, iyagoo u kuur galayey xaaladda Ciyaartooyda.
Agaasima Waaxda Arrimaha Bulshada oo u xilsaaran Maamulka Kooxda Gaadiidka iyo Agasimaha Waaxda shaqaalaha ayaa ka dhagaystay Ciyaartooyda Naadiga iyo Maamulka Kooxda xaaladda kooxda.
Agaasimaha Waaxda Arimaha bulshada, ayaa balan qaaday in uu dar-dar gelin doono howlaha kooxda, sidii ay u noqon lahayd, kooxdu mid u tartanta hanashada koobabka, sida horyaalka Jenaraal Daa’uud iyo hadii ay jiraan caqabado, in si deg deg ah loo xalin doono isagoo la kaashanaya Madaxda Wasaaradda.
