Iyadoo si habsami leh uu u socanayo dhismaha xabsiga weyn ee Galmudug ee laga hirgalinayo duleedka bari ee magaalada Gaalkacyo ayaa maaanta waxaa kormeer ku aadan qiimeynta dhismaha xabsigaasi waxaa halkaasi ku tegay mas’uuliyin ka socatay Wasaaradda Caddaaladda Galmudug iyo Guddoomiyaha cusub ee maxkamadda Gobalka Mudug
Mas’uuliyiintaan ayaa intii ay ku guda jireen kormeerkooda waxay qiimeeyn ku sameeyeen qaab dhismeedkii loogu tala galay in uu waafaqsan yahay sidii loogu tala galay
Kormeerka kaddib ayaa waxaa Warbaahinta Qaranka ugu horeyn la hadlay Gudoomiyaha maxkamadda gobalka Mudug Cabdirisaaq Cali Yuusuf oo tilmaamay in dhismaha xabsigaan uu ahmiyad u leeyahay arrimaha garsoorka.
Agaasimaha Waaxda xabsiyada iyo asluubta Wasaaradda Cadaaladda Galmudug Maxamuud Maxamed Jaamac ayaa ku tilmaamay dhismaha xabsigu inuu yahay mid dabooli doona baahiyo badan oo la xariira dhanka caddaaladda iyo arrimaha Garsoorka.
Wasiir ku-xigeenka Wasaaradda Caddaaladda Galmuug Maxamuud Guure Guuleed ayaa xusay in ujeedka kormeerkooda uu la xiriiro u kuurgelidda sida ay u socdaan dhismaha xabsiga laga hirgelinayo Gaalkacyo.
