Munaasabadaan lagu dhiirigalinayay tartamayaashii Buurhakaba ee ku guuleystay tartan cilmiyeedkii degmooyinka Gobollada dalka oo Warbaahinta Qaranka ay qabato bisha Ramadan sanadkan kasta ayaa waxaa ka qeyb-galay Guddoomiye ku xigeenka koowaad ee Golaha shacabka ee Barlamaanka Federaalka Soomaaliya mudane Cabdiwali Ibraahim Sheekh Muudeey, Madaxweynaha Koofur Galbeed Cabdicasiis Xasan Maxamed Lafta Gareen, Wasiiro ka tirsan Xukuumadda Federaalka Soomaaliya, Xildhibaanno ka tirsan Labada aqal ee Barlamaanka iyo dowlada goboleedka Koofur Galbeed, aqoonyahanno, guuleystayaashi tartanka iyo marti sharaf kale oo lagu casuumay xafladda.
Wasiirka Warfaafinta dhaqanka iyo dalxiiska ee Xukumadda Federaalka Soomaaliya Maxamed Cabdi Xayir Maareeye ayaa sheegay in Warbaahinta Qaranka ay kaalin weyn ka qaadatayΒ kor u qaadidda aqoonta dhallinyarada Soomaaliyeed, ayna joogteynayaan qabashada tartamada nuucaani oo kale ah.
Related posts
Wasiirka Tamarta iyo khayraadka biyaha ee Xukumadda Federaalka Soomaaliya Fowsiyo Maxamed Sheekh oo soo qaban qaabisay kulankaan lagu dhiirgalinayay guuleystaasha ayaa sheegtay in iyadoo ka jawaabeyso baahiyaha Waxbarashada ee ka jirta deegaanka ay u iibisay dhulkii laga dhisa lahaa xarunta Jaamacadda Hakaba oo hore loo qorsheeyay in laga hergaliyo Degmada Buurhakaba.
Madaxweynaha Dowlad-goboleedka Koofurgalbeed Soomaaliya mudane Cabdicasiis Xasan Maxamed (Lafta Gareen) ayaa ku dhiirigaliyay guulestayaasha dadaalka ay sameeyeen, waxaana uu sheegay in sida uga dhaqsiyaha badan loogu dhisi doono Jaamacad.
Gudoomiye ku xigeenka kowaad ee golaha shacabka ee Barlamaanka Federaalka Soomaaliya mudane Cabdiwali Ibraahim Sheekh Muudeey ayaa ku guubaaabiyay dhalinyarada in aqoonta lagu daro barashada dhaqanka iyo Diinteena Islaamka, islamaarka waxaana uu Wasiir Fowsiyo ku amaanay garab istaagii ay u muujisay aqoonyahanada Degmada, ayna ka jawaabtay baahiyaha dhanka Waxbarsho ee ka jirta degmada Buurhakaba.
