Madaxa siyaasadda Midowga Yurub Federica Mogherini , ayaa joojisay booqasho rasmi ah oo ay Axadda berri ah ku tegi lahayd Israaโiil, sida ay Jimcihii shalay sheegtay warbaahinta Yuhuudda.
Mss; Mogherini, ayuu qorshaheedu ahaa inay ka qayb gasho kulan ay Isniinta soo socota ku yeelan lahaayeen Magaalada Qudus Bulshada Yuhuud Ameerikaanka ah iyo Ururrada aan Dowliga ahayn ee Israaโiil.
Federica Mogherini, ayaa baaqashada safarkeeda loo aaneynayaa markii uu Raโiisul Wasaaraha Israaโiil Benjamรญn Netanyahu diiday inuu kulan la yeesho Gabadha madaxa ka ah siyaasadda Midowga Yurub ee Federica Mogherini.
Federica ย Mogherini ayaa Benjamรญn Netanyahu u qortay Warqad ay kaga codsanayso inuu ku ballan gaar ah ugu sameeyo Xafiiskiisa taasoo uu isna ku Gacan saydhay, sida uu tebiyay TV-ga Channel Two .
Xurguftan soo kala dhec gashay Madaxa siyaasadda Midowga Yurub Federica Mogherini iyo Raโiisul wasaaraha Israaโiil Benjamรญn Netanyahu ayaa loo aanaynayaa mowqifkii uu Midowga Yurub ka istaagay qaddiyadda Falastiin iyo aayaha Magaalada Qudus.
Federica Mogherini , ayaa Bishii January ee Sanadkan ka sheegtay Magaalada Brussels in Midowga Yurub uu kasoo hor jeedo goโaankii Donald J.Trump uu ku doonayay inuu Safaaradda Maraykanka uga furo Qudus.












