Madaxweynaha Turkiga Recep Tayyip Erdoğan iyo Amiirka dalka Qadar Sheekh Tamiin Bin Axmed Al-Tani oo khadka isgaarsiinta ku wada xiriiry ayaa ka hadlay xaaladda dalka Suuriya iyo qadiyadaha caalamka sida laga soo xigtay Madaxtooyada dalka Turkiga.
Sidoo kale Labada hogaamiye ayaa la sheegay in ay ka wada hadleen xiriirka labada dal,xiisada mandiqada iyo waxyaabaihii ka soo baxay kulankii todobaadkii tagay dhex maray iyo waxyaabihii ay ku heshiyeen hogaamiyeyaasha labada dal Turkiga iyo Ruushka.
Waxayna laba dhinac ugu baaqeen mucaaradka Suuriya inay ka qeyb galaan shirka dhaxdhaxaadinta dhinacyada dagaalka isaga soo horjeeda Suuriya oo la filayo inuu dhawaan ka dhaco dlka Ruushka.
Dhanka kale Madaxweynaha Rushka Vladimir Putin ayaa la sheegay in xiriirka xagga khdka Taleefoonka ah uu la yeeshay Amiirka dalka Qadar Sheekh Tamiin Bin Axmed Al-Tani ayna ka wada hadleen arrimaha shirkaasi dhexdhaxadinta ah ee la filayo inuu ku qabsoomo dalka Ruushka iyo waliba arrimaha xiriirfka labadoodka dal ka sokow midda dowliga ah.
