Hay’adda Maareynta Musiibooyinka Qaranka iyo hay’adda NIS Foundation ayaa maanta heshiis is afgarad ah kuwada saxiixay xarunta dhexe ee Hay’adda SoDMA.
Labada hay’adoodba waxay iska kaashan doonaan hawlo kala duwan oo khuseeya Arimaha cimilada, u aadkaysiga aafooyinka, In laga wada shaqeeyo sugnaanta cunadda (food security), arimaha ilaalinta degaanka, isku xirka arimaha gargaarka deg degga ah iyo xalalka waara.
Guddoomiyaha Hay’adda SoDMA Mudane Maxamuud Macalin Cabdulle iyo agaasimaha hay’adda NIS Foundation Kassim Gabow Duale ayaa qalinka ku duugay heshiiskaan is afgaradka ah, kaas oo wax badan ka tari doono maareynta masiibooynka iyo xalalka waara.
