Guddoomiyaha iyo Guddoomiye ku-xigeenka hay’adda SoDMA ayaa maanta xarunta hay’adda kulan heerkiisu sarreeyo kula qaatay Madaxwayne ku-xigeenka Hirshabeelle Yuusuf Axmed Hagar Dabageed, Kulanka ayaa diiradda lagu saaray fatahaadda ku dhuftay Magaalada Baladwayne ee xarunta Gobolka Hiiraan.
Madaxda hay’adda SoDMA ayaa balan qaaday in taageero deg deg ah lala gaari doono dadka ka barakacay Fatahaadaha ku dhuftay Baladwayne, Sidoo kale Madaxda ayaa intaas raaciyay in diriyaan guddi horu dhac oo sii qiimeeya xaaladda meesha ka taagan.
Madaxwayne ku-xigeenka Hirshabeelle Yusuf Dabageed ayaa Madaxda hay’adda Maaraynta kaga mahadceliyay isku hawlidda iyo xal u helidda dhibaatada ka taagan halkaas.
