Agaasimaha Guud ee Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya, mudane Axmed Xasan Yuusuf iyo Agaasimaha Tacliinta sare Mudane Ismaaciil Yuusuf Cismaan oo ay weheliyaan shaqaalaha Wasaaradda Waxbarashada ayaa maanta ka qeyb galay olalaha isxilqaan wareegiisii 12aad oo beegneyd maanta oo Isniin ah 24ka February 2020.
Ololaha isxilqaan ayay howlwadeennada Wasaaradda Waxbarashada ka fuliyeen dhismaha Matxafka Qaranka, kaasi oo ka mid ah xarumaha danta guud ee lagu dhisayo ololahan.
Agaasimaha Guud ee Wasaaradda Waxbarashada Xukuumadda Federaalka Soomaaliya, mudane Axmed Xasan Yuusuf ayaa sheegay in barnaamijka isxilqaan uu yahay barnaamij qiimo wey u leh bulshada Soomaaliyeed, isla markaana lagu dhisayo xarumo badan oo danta guud ah, kuwaasi oo haatan meel gabo gabo ah maraya dib u dhiska iyo qalabeyntooda.
