Kulan ay yeesheen madaxda Jaaliyadda Soomaaliyeed ee dalka Koonfur Afrika ayaa looga hadlay sidii ay jaaliyadda Somali Communty Board uga qayb qaadan lahayd, dib u soo celinta ganacsatadii Soomaaliyeed ee dhawaan lagu barakiciyay deegaanka Soweto ee duleedka magaalada Johanneburg.
Kulanka oo ka dhacay magaalada Cape Town ayaa waxaa ka qayb galay laba xubnood oo ka socday jaaliyadda Soomaali Community qaybteeda Johannesburg, kuwaasi oo ka mid ahaa dadkii bishi horre u gurmaday ganacsatadii lagu boobay Magaalada Soweto ee gobolka Geuteng, waxaana ay ka warbixiyeen sidi wanaagsaneyd ee ay ugu gurmadeen ganacsatadii Soomaaliyeed ee lagu Boobay Soweto iyo nolosha ay haatan ku sugan yihiin.
Si kastaba ha ahaatee kulankaan ay yeesheen madaxda jaliyadda Soomaaliyeed ee Koonfur Afrika ayaa ku soo beegmaya xilli uu socdo u diyaar garoowga shir weynaha jaaliyadaha Soomaaliyeed iyo Safaaradda Soomaaliya ee Koonfur Afrika.
