Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr Cali Xaaji Aadan ayaa gawaari loogu talagalay adeega Talaalka ku wareejiyay Madaxda Wasaaradaha Caafimaadka ee Dowlad Goboleedyada Koonfur Galbeed iyo Jubbaland.
Gawaaridan oo loogu talagalay adeega talaalka ayaa qeyb ka ah dadaalada Wasaaradda Caafimaadka Xukuumadda Federaalka Soomaaliya ay ku xoojineyso sara u qaadista tayada Caafimaadka dalka guud ahaan iyo tan heer maamul goboleedba.
Wasiirka Wasaaradda Caafimaadka Dowlad Goboleedka Koonfur Galbeed Maxamed Cismaan Xaaji iyo Agaasimaga guud ee Wasaaradda Caafimaadka Jubbaland Xuseen Macalin Cali ayaa kala waraagey Wasiirka Wasaaradda Caafimaadka Xukuumadda Federaalka Soomaaliya labo gaari nooca loo yaqaano Hartopka oo qeyb ka ah qalabka iyo gaadiidka loogu talagaley horumarinta iyo fududaynta adeegga Caafimaadka Hirshabeelle.
Wasaaradda Caafimaadka iyo daryeelka bulshada Xukuumadda Federaalka Soomaliya waxaa ka go’an horumarinta Caafimaadka guud ee dalka iyo sidii bulsho waynta Soomaaliyeed ay u heli lahaayeen adeeg Caafimaad oo tayo leh.
