Kulan looga doodayay howlaha hortabinta u leh bahda Caddaaladda heer Federaal iyo dowladaha xubnaha ka ah Dowladda Federaalka ayaa maanta ka furmay magaalada Muqdisho
Kulankan oo uu shirgudoominayay Xoghayaha Joogtada ah ee Wasaaradda Caddaaladda iyo Arrimaha Dastuurka mudane Feysal Aadan ayaa waxa goobjoog ahaa Agaasimeyaasha guud ee Wasaaradaha Caddaaladda dowlaha xubnaha ka ah dowlada Federaalka, qaar ka mid ah agaasime waaxeedyada iyo Lataliyeyaasha Wasaaradda.
Ujeeddada kulankan oo mudo laba maalin socon doona ayaa ah in wada tashi laga yeesho Wajiga labaad ee Mashruuca Caddaaladda iyo Asluubta (JJCP PHASE-2) ee Wasaaradaha Caddaaladda XFS iyo kuwa dowlad goboledyada iyadoo lagu saleynayo hawlaha hortabinta u leh Xukuumadda.
Intii lagu guda jirey kulanka ayaa Xoghayaha Joogtada ah kula dardaarmay Agaasimayaasha Guud in wada shaqeyn dhaw ay yeeshaan si loo dardar galiyo howlaha farsamo ee Wasaaradaha dowlad goboledyada iyo mida Faderaalka.
