Guddoomiyaha Hey’adda Maareynta Musiiboyinka Qaranka Mudane Maxamuud Macallim Cabdulle iyo Wasiirka gargaarka Dowlad Goboleedka Puntland Mudane Cabdullaahi Cabdi Xirsi ayaa maanta kormeeray baqaarka keydka Wasaaradda gargaarka Puntland oo ay ku jiraan deeq mucaawino ah oo hey’adda SoDMA horay u gaarsiisay 380-ton oo gargaar iskugu jira Raashin, Daawo iyo Dhar kuwaas oo loogu talagalay dadkii ku baracay dagaalada ka socda Magaalada Laascaanood si loo gaarsiiyo.
Guddoomiyaha Hey’adda SoDMA, Wasiirka Gargaarka Puntland iyo masuuliyiin kale ayaa kormeer indho indheen ah ku tagay baqaarka ay ku jiraan deeqdaan mucaawinada ah xilli shalay Hey’adda Maareynta Masiiboyinka Qaranka ay magaalada Garoowe gaarsiisay diyaarad waday shixnad gargaar ah oo ay ugu talagashay shacabka Soomaaliyed ee iskugu darsoomeen abaraha iyo colaadaha.
Wasiirka Wasaaradda gargaarka dowlad gobaleedka Puntland Cabdullahi Cabdi Xirsi ayaa uga mahadceliyey Heyadda SoDMA garab jooga ay la daba joogto shacabka horay ula daalaa dhacayay abaaraha hadana ay ugu darsameen colaadaha.
Guddoomiyaha Hey’adda Maareynta Masiiboyinka Qaranka Mudane Maxamuud Macalin Cabdulle ayaa sheegay in ay ka go’antahay caawinta dadkii rayidka ahaa ee colaadaha Sool ay eameenta ka soo gaartay.
