Agaasimaha guud ee Wasaaradda Haweenka iyo Horumarinta Xuquuqda Aadanaha Soomaaliya, mudane Isxaaq Xaashi Jimcaale, ayaa maanta kulan kula yeeshay xarunta Wasaaradda, mas’uuliyiin ka socota hey’adda Save The Children xafiiskeeda Soomaaliya.
Mas’uuliyiinta ayaa ka wada hadlay xoojinta wada shaqeynta gaar ahaan arrimaha carruurta iyo dadka naafada ah.
Kulanka waxaa ka qeybgalay, agaasimaha Waaxda Horumarinta Xuquuqda carruurta Cadar Axmed Cali, agaasimaha Waaxda Xuquuqda Aadanaha Axmed Cabdi Borile iyo xubno kale. Dhanka, hey’adda Save the Children waxaa hogaaminayay Cabdiraxmaan Cabdi Wabar.
