Wasiirka Qorsheynta, Maalgashiga iyo Horumarinta Dhaqalaaha, Mudane Maxamuud Cabdiraxmaan Sheekh Faarax (Beenebeene), iyo Wasiir Ku-xigeenka Wasaaradda, Mudane Maxamed Cabdiqaadir Cali, oo ay wehliyaan Agaasimhaha Guud ee Wsaaradda, Mudane Maxamed Shire, Agaasimaha Guud ee Hay’adda Istaatistikada Qaranka, Mudane Sharma’arke Maxamed Faarax iyo Agaasime Waaxeedyada Wasaaradda ayaa maanta kulan ku saabsanaa hawlaha guud ee Wasaaradda u xil saaran tahay la qaatay Guddiga Arrimaha Dibedda, Iskaashiga Caalamiga, Qorsheynta, Maalgashiga iyo Horumarinta Dhagaalaha ee Aqalka Sare ee Baarlamaanka Federaalka Soomaaliya.
Agaasimayaasha Guud ee Wasaaradda Qorsheynta Qaranka iyo Hay’adda Istaatistikada Qaranka Soomaaliyeed, Mudane Maxamed Shire iyo Mudane Sharma’arke Maxamed Faarax ayaa faahfaahin buuxda ka siiyay Guddiga waxyaabaha lagu guuleystay iyo shaqooyinka ay mas’uulka ka yihiin, iyagoo hoosta la xariiqay sida ay Wasaaradda uga go’antahay hufnaanta shaqo iyo howlaha guud ee Hay’ adda Istaatistikada Qaranka u xilsaaran tahay iyo Qorshayaasha uga diyaarsan qabashada tirakoobyo Qaran oo lagu kalsoonaan karo.
Dhanka kale, Agaasime-waaxeedyada Wasaaradda ayaa ugu dambayntii Guddiga uga jawaabay sua’aalo ku saabsanaa Qosrhe-hoawleedka sanadka, Fullinta mashaariicda iyo qulqulka deeqaha horumarineed, waxayna soo bandhigeen sida ay bulshadii loogu talagalay ay uga faa’ideysteen mashaaricdaas iyo habraacyadii fulineed ee la isticmaalay.
