Maxaweynaha Jamhuuriyadda Fedaraalka Soomaaliya Mudane Xasan Sh Maxamuud iyo wafdi uu hoggaaminayo, ayaa maanta gaaray magaalada Jigjiga ee Xarunta dowlad Deegaanka Soomaalida itoobiya.
Wafdiga Madaxweynaha, ayaa Waxaa garoonka diyaarada Jigjiga ku soo dhaweeyay madaxweynaha Ismaamulka Soomaalida Itoobiya Mudane Cabdi Maxamuud Cumar iyo mas’uuliyiin kale oo ka tirsan Ismaamulka Soomaalida.
Madaxweynaha Soomaaliya Mudane Xasan Sh Maxamuud, ayaa la filayaa in uu kulan gaar ah la yeesho Madaxweynaha DDSI Cabdi Maxamuud Cumar iyo Mas’uuliyiinta Maamulkaasi.
Wariyaha Warbaahinta Qaranka Soomaaliyeed ee Xafiiska Madaxweynaha Feysal Muuse Maxamuud, oo la socda Wafdiga ayaa ku soo waramaya in qodobada ugu muhiimsan ee la isku soo hadal qaani doono ay ugu waaweynyihiin iskaashiga dhinacyada Ammaanka, Ganacsiga, Waxbarashada, dagaalka ka dhanka argagixisada iyo xoojinta Xiriirka u dhexeeya Dowladda Soomaaliya iyo Ismaamulka Soomaalida Itoobiya.
Socdaalka Madaxweynaha Soomaaliya Mudane Xasan Sh Maxamuud ee uu maanta ku tagay Magaalada Jigjiga ayaa noqoneysa, booqashiid ugu horreysay oo rasmi ah oo uu halkaasi ku tago.
