Madaxweynaha Jamhuuriyadda Federaalka Soomaaliya mudane Xasan Sheekh Maxamuud oo u ambabaxay galabta Boqortooyada Sacuudi Carabiya ayaa gaaray, iyadoo uu ka qeyb gali doono Aaska iyo Tacsida Boqor Cabdalla Bin C/casiis oo xalay ku geeriyooday Dalkaasi.
Madaxweynaha Jamhuuriyadda Federaalka Soomaaliya oo ay wehliyaan Mas’uuliyiin ka tirsan Dowladda Soomaaliya ayaa halkaasi kaga tacsiyeynaya dadka iyo mas’uuliyiinta Sacuudi geerida ku timid Allaha u naxariistee Boqorka Dalkaasi.
Wariyaha Warbaahinta Qaranka ee Boqortooyada Sacuudiga Cali Kuus ayaa soo sheegaya in ay soo dhaweyeen mas’uuliyiin ka tirsan boqortooyada Sacuudiga, iyo mas’uuliyiinta Safaaradda Soomaaliya ee dalkaasi.
Aaska Boqorka ayaa ka billowday magaalada Riyadh, iyadoo goor-dhowayd naxashka lagu sido meydkiisa la geeyay masaajidka Imaam Turki, halkaasoo salaada janaasada lagula tukaday.
Madaxda ka qaybgalaya aaska boqorka ayaa waxaa ka mida ah; Cumar Al-bashiir oo ah madaxweynaha Sudan iyo boqorka Urdun, iyadoo sidoo kalena ay ka qaybgalayaan madax kale oo ka socda dalalka reer galbeedka.
Geerida boqor Cabdalla ayaa dib u dhigtay safar uu maanta oo Jimco ah ku imaan lahaa Muqdisho madaxweynaha dalka Turkiga Erdogan,
